ဘ၀အရေး စိတ်အေးရလေအောင်

အာဠာဝကဘီလူးကမေးပြီး ဂေါတမမြတ်စွာဘုရားဖြေကြားခဲ့သော အာဠဝကသုတ္တန်
(၁)လောကမှာ အကောင်းဆုံး ဥစ္စာက ဘာလဲ။
အဖြေ=သဒ္ဓါသည်အကောင်းဆုံး ဥစ္စာ။(သဒ္ဓိဓ ၀ိတ္တံပူရိသဿ သေဌံ)

(၂)လောကမှာ ဘာလုပ်ရင်ချမ်းသာ မှာလဲ။
အဖြေ=ဓမ္မကိုကျင့်သုံးရင် ချမ်းသာမယ်။ (ဓမ္မော သုစိဏ္ဏော သုခမာဝဟတိ)

(၃)လောကမှာ အကောင်းဆုံးအရသာ ဘာလဲ။
အဖြေ=အကောင်းဆုံး အရသာဟာ သစ္စာ။ (သစ္စံ သာဓုတရံ ရသာနံ)

(၄)လောကမှာ အကောင်းဆုံးသော အသက်ရှင်နည်းက ဘာလဲ။
အဖြေ=အသိပညာနဲ့ အသက်ရှင်တာ အသက်မွေးတာ အကောင်းဆုံး။(ပညာဇီဝိံ ဇီဝိတ မာဟု သေဌံ)

(၅)အခက်အခဲကို ဘာနဲ့ ဖြတ်ကျော်ရမှာလဲ။
အဖြေ=သဒ္ဓါနဲ့ ဖြတ်ကျော်ရမယ်။ (သဒ္ဓါယ တရဟိ သြဃံ)
 
(၆)ကျယ်ပြောသောဘ၀ကြီးကို ဘာနဲ့ဖြတ်ကူးရမှာလဲ။
အဖြေ=သတိနဲ့ ဖြတ်ကူးရမယ်။ (အပ္ပမာဒေန အဏ္ဏ၀ံ)

(၇)ဆင်းရဲဒုက္ခကို ဘာနဲ့ဖယ်ရှားမှာလဲ။
အဖြေ=ကြိုးပမ်းအားထုတ်မှု ၀ိရိယဖြင့်ဖယ်ရှားနိုင်မယ်။ (၀ီရိယေန ဒုက္ခမစ္စေတိ)

(၈)စိတ်ဖြူစင်အောင် ဘယ်လိုလုပ်ရမှာလဲ။
အဖြေ=ပညာ ဖြင့်သာဆေးကြောရမယ်။(ပညာယ ပရိသုဇျွတိ)

(၉)ပညာကို ဘယ်လိုရအောင်ယူရမှာလဲ။
အဖြေ=နားလည်ချင်တဲ့စိတ် နားထောင်ချင်တဲ့စိတ် မှတ်သားချင်တဲ့ဆန္ဒရှိရင်ပညာရပါတယ်။ (သုဿုသာ လဘတေ ပညံ)

(၁၀)ဥစ္စာကို ဘယ်လို ရှာမှာလဲ။
အဖြေ=လုံလ ၀ီရိယရှိပြီး တက်တက်ကြွကြွ ကြိုးစားအားထုတ်ရမယ်။ (ပတိရူပ ကာရီ ဓုရ၀ါ၊ ဥဌာတာ ၀ိန္ဒတေ ဓနံ)

(၁၁)အကျော်အစောရှိရန် ဘယ်လိုလုပ်ရမှာလဲ။
အဖြေ=သစ္စာရှိ ဂတိတည် မှန်ကန်ရန်လိုတယ်။(သစ္စေန ကိတ္တိံ ပပ္ပေါတိ)

(၁၂)မိတ်ဆွေတွေ ရချင်ရင် ဘယ်လိုလုပ်ရမှာလဲ။
အဖြေ=ပေးကမ်းပါ။ (ဒဒံ မိတ္တနိ ဂန္ထတိ)

(၁၃)ဘယ်တရားတွေကျင့်သုံးမှ နောက်ဘ၀အရေးစိတ်အေးရမှာလဲ။
အဖြေ=အမှန်တရား၊အသိပညာ၊လုံလ၀ီရိယ၊စွန့်ကြဲပေးကမ်းမှု၊ရှိရမယ်။(သစ္စံ ဒမ္မော ဓိတိ စာဂေါ)

(၁၃၇၀ ပြည့်နှစ်၊တပို့တွဲလပြည့်ကျော် ၄ ရက် တာမွေမြို့ နယ် သူဌေးလမ်းမိသားစု ဓမ္မသဘင် အခန်းအနားဝယ် ဒေါက်တာ အရှင်နန္ဒမာလာဘိဝံသ ဟောကြားသော ဘ၀အရေး စိတ်အေးရလေအောင် တရားတော်မှ ကောက်နုတ်ဖေါ်ပြပါသည်။)
(ရွှေပါရမီပညာဒါနမှ ကူးယူဖော်ပြပါသည်)

No comments:

Post a Comment